'بھارت ماتا کی جے' نہیں بولنے پر AIMIM ممبر اسمبلی وارث پٹھان مہاراشٹر اسمبلی سے معطل

نئی دہلی،16مارچ(ایجنسی) کل ہند مجلس اتحادالمسلیمین کے رکن اسمبلی وارث پٹھان کو چہارشنبہ کو مہاراشٹر اسمبلی سے معطل کر دیا گیا. وارث کو بجٹ سیشن کی باقی مدت کے لئے معطل کیا گیا ہے. بی جے پی لیڈر رام کدم کا کہنا ہے کہ وارث نے 'بھارت ماتا کی جے' بولنے سے انکار کر دیا تھا جس کے بعد انہیں عام رائے سے



اس سیشن کے لئے اسمبلی سے معطل کیا گیا ہے. غور طلب ہے کہ بی جے پی لیڈر نے وارث سے بھارت ماتا کی جے بولنے کے لئے کہا تھا لیکن وارث نے انکار کر دیا تھا.
غور ہو کہ اس سے پہلے ایم آئی ایم کے صدر اور ایم پی اسد الدین اویسی بھارت ماتا کی جے بولنے سے انکار کرنے کو لے کر بحث میں ہیں. ان کا کہنا تھا کہ آئین میں کہیں نہیں لکھا ہے کہ بھارت ماتا کی جے بولنا ضروری ہے.